هادا واحد الفلاح (الناصري)جات عندو صحفية تسولو على البقر
قالت ليه: أشنو كتوكل البقر ديالك؟
قال ليها: شكون فيهم؟ البيض أولا الكحل؟
قالت ليه: البيض
قال ليها: كنعطيهم العلف
قالت ليه: والكحل؟
قال ليها: حتى هوما كنعطيهم العلف
قالت ليه: وفين كتدير البقر ديالك
قال ليها: شكون فيهم؟ البيض أولا الكحل؟
قالت ليه: البيض
قال ليها: كنديرهم ف الحوش
قالت ليه: والكحل؟
قال ليها: حتى هوما كنديرهم ف الحوش
قالت ليه: إيلا سرحتي بالبقر ديالك فين كتديهم؟
قال ليها: شكون فيهم؟ البيض أولا الكحل؟
قالت ليه: البيض
قال ليها: كنسرح بيهم حدا الواد
قالت ليه: والكحل؟
قال ليها: حتى هوما كنسرح بيهم حدا الواد
تعصبات الصحفية وقالت ليه: واش نتا فينما نسولك كتقول ليا واش البقر البيض أولا الكحل ونتا داير ليهم كولشي بحال بحال؟
قال ليها: لا، لحقاش البيضين دياولي
قالت ليه: والكحلين؟
قال ليها: حتى هوما دياولي
واناري يا ميمتي
واحد قال لصاحبو: بغيت ندير مفاجأة لمرتي بمناسبة عشر سنين د الجواج
قال ليه: واشنو غادي تدير ليها؟
قال ليه: غادي نديها للشينوا.
قال ليه صاحبو: الله ياودي! إيلا ف عشر سنين ديال الجواج ديتيها للشينوا، أشنو غادي تدير ليها ف العيد الخمسين د الجواج ديالكم؟
قال ليه: غادي نمشي نجيبها من تما.
هادا واحد الطبيب غادي يولد واحد المرا عندها تلاتة ديال التوام
خرج الولد اللول لقاه ناعس، وبدا كيضربو حتى فاق وحطو
مشى خرج الولد التاني، لقاه حتى هو ناعس، ناض كيضربو حتى فاق وحطو
مللي مشى يخرج الولد التالت ما لقاهش، وهو يقول للفرملية صافي كملي نتي خدمتك راه غير جوج ولاد للي كاينين
غير مشى الطبيب وهو يخرج الولد التالت راسو بشوية وقال للفرملية: واش هاداك خينا اللي كيسرفق الدراري صافي مشى فحالو؟
هادا واحد سمع الغوات عند الجيران ف نصاصات الليل ومشى يشوف أشنو واقع، قالو ليه الما د الروبيني فيه التسمم.
رجع الراجل لدارو وسولاتو مرتو: أشنو واقع؟ قال ليه راجلها: أوالو داكشي. شربي ليك شي كاس ديال الما ونعسي
الأستاذ: يعيش السمك في الماء.
التلميذ: يعيش يعيش يعيش
واحد ميكانيكي بغا يضحك مع مرتو، ناض قرصها بالبانس
واحد هبيل صايم واتصل ببرنامج الإهداءات قال ليهم: بغيت مقطع من أذان المغرب
هادا واحد كيقعل بزاف، تلاقى مع واحد صاحبو، سولو صاحبو: باش تغديتي؟ قال ليه: بالحوت. ومن بعد عام، تلاقى بهاداك صاحبو نيت وهو يسولو: وا كي داير؟ جاوبو: مقلي
واحد مبوق حيد جلابتو وعلقها. شوية وهي تطيح هاديك الجلابة، وهي يقول مع راسو: الحمد لله مللي ما كنتش فيها
هادا واحد مكلخ ما كيجيهش النعاس. قال ليه واحد صاحبو: أنا عندي ليك واحد الطريقة واعرة غادي تعاونك تنعس، بقى تحسب حتال 500 وغادي يجيك النعاس. خينا مشى ف الليل و بدا كيحسب، غير وصل ل 199 و هو يجيه النعاس، وهو نيت ينوض وغسل وجهو و رجع للناموسية يكمل الحساب.
هادا واحد مسيفط ختو تشوف ليه النتائج ديال الامتحانات. اتفق معاها تقول ليه ف التلفون إيلا سقط ف مادة وحدة: سلم عليك محمد. إيلا سقت ف جوج مواد: سلموا عليك محمد و محمد. إلخ
المهم مشات البنت تشوف النتائج وعيط ليها خوها، قال ليها: أ من درا؟ قالت ليه ختو: سلمت عليك أمة محمد كلها
هادا واحد مشى للفرماسيان وقال ليهم: بغيت الحليب ديال الدراري الصغار
قال ليه مول الفرماسيان: أشنو سميتو؟
قال ليه: مروان
هادا واحد الزقرام شرا خبزة، ناض شفرها ليها واحد الشمكار. تبع الزقرام الشمكار باش ياخد منو الخبزة ديالو، ساعة مللي بان ليها مشى قال ليه: سير، صدقة ورحمة للوالدين
هادو 2 دراري تعطلوا على المدرسة. سولهم المعلم : علاش تعطلتوا؟
قال ليه واحد: راه طاحت ليا 10 د الدراهم.
و هو يسول المعلم التاني: و نتا مالك؟
قال ليه لاخور: راه كنت داير رجلي عليها.
هادا واحد سراق الزيت خرج من الحانوت فرحان حيت لقا تصويرتو ف مبيد الحشرات وا السيد مشــهور
هادا واحد الراجل بدلوا ليه قلبو بواحد ديال بلاستيك... و هو يتزعط في بانيو
إليسا وهيفاء وهبي ونانسي عجرم راكبين ف التران، وكيهدرو على فارس الأحلام
قالت ليهم إليسا: أنا بغيت نتجوج بوليسي
قالت هيفاء: أنا بغيت نتجوج شينوي
قالت ليهم نانسي: أنا بغيت نتجوج كويري معروف
واحد سمعهم أشنو قالوا وجا عندهم قال ليهم: نعرفكم بنفسي، أنا العقيد شونج يانغ المعروف برونالدينو
باغي يجمعهم كاملين
سيئ صوت جيد
التقييم
موضوع: اتحــــــــــــــــــــــــــداك ان لــــــــــــــــــــــــــــم تضحــــــــــــــــــــــــ 
