الملوخية عشان تبقى زي الطازجة -----------أولاً تورقينها وبعدين تحطيها في موية نظيفة في زبدية كبيرة والموية لازم تكون باردة مو مرة يعني إذا في الشتاء عادي من الحنفية وإذا في الصيف حاولي تضيفي ماء بارد وتجنبي الساخن في غسيل أي شيء له أوراق خضراء أو لون ثاني زي الكرنب-------
االمهم بعد ماتحطيهافي الموية وتحركيها لحدماينزل التراب تشيليها بيدك وتحطيها في مصفى تحت الحنفية مرة ثانية وبعدين تتركيها تنشف من الموية وتعبيها في أكياس نايلون وتحطيها في الفريزر---لحين حاجتك ليها وإذا جيتي تسوي الملوخية -----------
لاتحطي عليها ماء ساخن مباشرة بل بعد ماتطلعيها من الفريزر حطي عليها موية باردة وحطيها في الخلاط أو إذا تحبينها مفرومة خشنة دقيها بيديك وهي في الكيس وسوي التقلية إللي على مزاجك وبعدين ضيفي الملوخية وحركي بإستمرار
ولاتغطي القدر ولاتتركيها تفور منك على النار وهي ماتأخذ منك أكثر من عشر دقايق
يعني تسوينها قبل ماتحطين الغداء بربع ساعة وخلي بالك ما تغطيها أبد لأنه هذا إللي يخلي لونها أسود موأخضر فرش
وفيه حركة حلوة للتقلية وهي تأخذين رأس ثوم كامل وتقشرينه بس ما تقطعينه وتحمرين الثوم في شوية زيت زي الصنوبر ولمايصير ذهبي فاتح طشيه في الملوخية ولاتنسين الشهقة ههههههههه
ولو عندك حاجة مسك فيها صمغ أوغرىأو علكة على البلاط مثلا رشيها بالريدأوبداك شاين حق الزجاج ويشيله لك بسرعة
ولو عندك الفرن ولاالجدار فيه دهون رشيه بملمع الزجاج وشوفي النتيجة هذا للي مايحب منظفات الأفران...
ولو عندك إبريق الموية ولا الشاهي فيه تكلسات صبي فيه خل أبيض وأتركيه مدة حسب كمية التكلسات وسوف يذوبها لكي مثل ما يذوب الحليب في الماء؟؟!!!
وملح الليمون يستعمل يشيل اللون الأسودمن أباريق الشاهي وهو تحطين ملح الليمون مع ماء حار وتتركينه مدة وبعدين تغسلين الأبريق بالماء والصابون
وكذلك هذه الطريقة تنفع لتلميع عيون الفرن حتى تصبح ذهبية إذا ما عندك ليمون طبيعي إستعيني بملح الليمون بعد إذابته بالماء
كذلك يضاف ملح الليمون للجريش بدل عصير الليمون وميزته إنه بإمكانك الإحتفاظ فيه طول السنة وتستعملينه عند الحاجة له وله ميزة ثانية إنو ما يطلع له طعم مرارة في الأكل
لو عندك بقع على الملابس او الموكيت والزل وماتقدرين تستعملين معها الكلوركس إستعملى الخل العادي وشوفي النتيجة
ولو عندك سفرة أكل {سماط يعني} بلاستيك أو قماش وماسك فيه لون الصلصة إنشريه في الشمس وشوفي النتيجة بعد
وإذا تبغي رز أبيض ومفلفل ويلمع مثل الزجاج ---------------إسلقي الرزعلى مويةكثيرة وملح وزيت وكم حبة هيل وعود قرفة وملعقة صغيرة كمون وكزبرة ناشفة وكلو صاحي مو مطحون وبعدين لما تشوفي الرز إبتدى يستوي شيليه من على النار وصفيه من الموية وإتركي شوية ماءفي قاع القدر عشان يكمل إستواء الرز ووطي النار عليه وديري عليه زيت مرة ثانية لأن الأول طلع مع التصفية وبعد خمس دقايق هدي النار على الأخر والرز كل ما يطول على نار هادية يكون أفضل بس مايتعدى ساعة ورشي على وجه الرز شوية بهارات ومطحونة بين أصابعك بس عشان الرز يمتص الريحة وبرضوه شوفي النتيجة
السلاطات عشان ما تذبل بسرعة قطعيها واتركيها بدون خلط يعني خليها طبقات والطماطم تكون على جنب والتتبيلة جهزيها وحطيها في علبة وعند التقديم إمزجيها مع السلطة وقلبي المكونات مع بعضها
إذا إستفرغ الطفل في مكان طبعاً الريحة كريهة إش تسوين بعد ما تغسلين البقعة وتنشف رشي عليها بيكربونات الصوديوم ----------إللي يستعملونها في صناعة الحلويات واتريكيها ليلة كاملة وبعدين إكنيسيها بمكنسة الكهرباء
ومكنسة الكهرباء إذاتبيها كل ماشغلتيها يطلع منها ريحة حلوة قومي بتشبيع قطعة من القطن بأي عطر دهني حق الفواحات المنزلية وضعيها داخل البرميل وسترين النتيجة
وإذا أردتي أن ينتشر العطر في كل مكان بدون فواحة----------إدهني لمبات الأباجورات بأي عطر دهني قبل إضائتها----------وسترين النتيجة
التقييم
موضوع: حلول مطبخية ومنزلية 
